«Hitzaldi-tailer honek oinarrizko orientazio psikologiko bat eskaini nahi du, ulertezina den horretan argi izpi xume bat piztuz», esan du Ester Poveda antzerki irakasleak. Izan ere, bere esanetan, «dolu emozionala galera batek nahastutako oreka pertsonala berreskuratzeko aukera ematen duen egokitzapen prozesu bat da».
Horregatik, dolua oinarri hartuta, Dolu emozionala ulertzen. Galera baten BiziPena lelopean egingo dute topaketa asteazkenean 17:00etan, Etxolan. Bertan, Tamara Arroyo psikologoaren bisita jasoko dute.