Eguraldia lagun izan dute gaurkoan Berrobin, eta giro ederrean ospatu dute goizean Gabonetako Azoka plazan. Bertan bildu diren postuetan izan da zer ikusi, zer dastatu eta zer erosi. Herriko eta inguruko baserritarren produktuak eta artisauen lanak izan dira eskuragai, eta gose zegoena tripa betetzeko aukera ere izan du talo postuan. Umeentzako xaboi tailerra eta zuzeneko musika ere izan dute goiz osoan zehar.
Arratsaldeko 18:00etan berriz, helduentzako ipuin kontalaria egongo da Etxolan, Maider Alcelayren 'Emen kemen'.