San Andres jaiak ari dira ospatzen Berrobin, eta aurtengo programan ere kultur ekimenek ez dute hutsik egin. Goizean 'Dantzatu eta abestu' emanaldia izan da herriko gaztetxoentzat. Hala ere, helduek ere beraiekin batera emanaldiaz gozatu dute, eta giro ederra sortu da herriko plazan. Dantzan, abesten eta jolasean igaro dute goiza guztiek, Lorea Intxausti, Asier Burguete eta Joanes Echeveste aktoreekin batera.
Emanaldiaren ostean, txakolin eta gazta dastaketa egin dute, Joxe Mendizabalek alaiturik. Arratsaldean ere festak ez du etenik izango, eta 18:00ak aldera, taloak jateko aukera izango da ostatuan.
