Urriko kultur agenda prestatu dute Berrobiko Udalak eta Ekintza guraso elkarteak elkarlanean, datozen asteburuetarako. Ostiralean, 19:00etan, Hystherria antzerki obra ikusteko aukera izango da Etxolan.
Urriaren 26an, emakumeen topaketekin jarraituko dute. Oraingoan, afrika, emakumea eta dantza uztartuko dituzte, eta Etxolan elkartzeko deia egin dute, 18:00etan. Urriaren 30ean, Oihana Iguaran eta Amaiur Luluagaren Amaraun ikuskizunaz gozatzeko aukera izango da. 18:30ean izango da, pilotalekuan.
Azkenik, urriaren 31n Gau Beltza ospatuko dute. 18:30ean Gau Beltzeko ipuinak kontatuko dituzte, eta ondoren gaztainak jateko tartea hartuko dute.