42 urteko berrobitarra hil da nekazaritza ustiategi batean

Ustiategian lan egiten zuen eta oreinei jaten ematen ari zenean, horietako bat oldartu eta adarkaden ondorioz hil da.

42 urteko gizon bat hil da Nafarroako Muniain udalerrian. 11:30ak aldera gertatu da, lan egiten zuen nekazaritza ustiategian. Antza, animaliei jaten ematen ari zen gizonezkoa, orein bat oldartu egin zaionean, eta haren adarkaden ondorioz hil da. EITB-k adierazi duenez, berrobitarra da hildako gizonezkoa.

Foruzaingoa, anbulantzia bat eta helikoptero bat bertaratu dira, Nafarroako Gobernuko iturriek jakinarazi dutenez, eta langilea berpizten saiatu diren arren, bertan hil da.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!