Aurpegi berritua du Berrobiko pilotalekuak, eta Gorostidik Txomin Garmendia berrobitar hil berria izan du gogoan. Garmendia alkate zen garaian eraikia izan zela pilotalekua adierazi du, orain berritu duten arren. Horrez gain, herri txikietan pilotalekuak herritarrak biltzeko gune direla, eta «frontoian biltzen dakien herria, herri bizia izango da», esan du.
Txomin Garmendia omentzeko baliatu du bigarren bertsoa, eta Gorostidik txalo zaparrada eskatu die bertaratuei. Berrobitarrek bikain erantzun diote. Eta txalo zaparrada artean, eta profesionalen pare egin dute herriko pilotari txikienek frontoirako bidea.
Hiru partida zituzten prest, txikiena, kadete mailakoena eta jada profesional izandakoak ere aritu dira azken partidan.