Ohiturak mantenduz, San Agustin festetako azken egunean egiten duten meza nagusiaren ostean, elizako atarian dantzatu dute Libe Tolosa, June Ugartemendia eta Olaia Etxenagusia dantzariek. Doinuak jartzeko ardura herriko Izarne Garmendiak trikitiarekin eta Gurutze Agirretxek panderoarekin izan dute. Elizatik irten diren herritarrek ilusioz eta pozez disfrutatu dute dantzarien agurra, baita David De Miguel alkateak eta Aritz Alcain zinegotziak ere. Dantzaren ostean, pentatloia egin dute plazan.
Gaur amaituko dira San Agustin jaiak baina izango dute zer ospatu gaurkoan ere. Ikusi egitarau osoa hemen.
