Berrobiko jaiak 2022

Bertsoak eta paellak, koktel berean

Josu Artutxa Dorronsoro 2022ko abu. 27a, 14:23

Bide Ona Elkarteak antolatuta, eta Iriarte jatetxearen laguntzarekin, bertso koktel saioa egin dute Berrobiko San Agustin festetan;

Goizeko 11:00etatik abian jarri dira Berrobin, kuadrillen eguna ospatzeko. Villabonako Besamotza konpartsako erraldoi eta buruhandien kalejira izan da lehenik, eta eguerdian, bertso koktel saioa egin dute plazan. Librean aritu dira Sebastian Lizaso eta Iban Urdangarin bertsolariak. Bertsoak entzun bitartean, bertaratu direnek koktelak dastatzeko aukera izan dute, Iriarte jatetxearen eskutik.

Bertsolarien saioa bukatzerako, kuadrillak eskolako patioan zeuden, paellak prestatzen. Orain, horiek dastatzen ari dira, herri jolasetarako indarrak biltzeko. 18:00etan izango dira, eta lau talde egingo dituzte, bakoitza kolore batekoa. Jolasak taldeka, erreleboka edota denbora konkretu batekin izango dira. "Ondo pasatzeko jolasak dira, barre egitekoak, abilezia berezirik behar ez dutenak. Sorpresa asko izango ditu jarduerak, eta ikuslearen parte hartzeak ere izango du garrantzia", aurreratu zuten antolatzaileek.

Hona hemen arratsalderako egitaraua:

  • 18:00. Herri jolasak.
  • 23:00. Kilimak taldea.
  • Ondoren. DJ Andoni.
Erlazionatuak

Lizaso eta Urdangarin, bertsotan

Josu Artutxa Dorronsoro 2022 abu 27 Berrobi

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!