Berrobiko festetarako futbito txapelketa antolatu du Ibin kirol klubak, eta uztailaren 15era arteko epea dago izena emateko. Partidak festetako ostiralean jokatuko dira, eta partida bakoitzak 20 minutuko iraupena izango du. Taldeak gutxienez bost pertsonakoak izan beharko dute eta nahi adina aldaketa egin ahal izango dira.
Bi kategoria banatu dituzte: batetik, 15 eta 20 urte artekoak, eta, bestetik, 20 urtetik gorakoak. Izena ematerako garaian kategoria zehaztu beharko da eta baita taldearen izena eta partaideen izen-abizenak ere. Sare sozialen bidez zabaldu duten QR kodea erabiliz eman daiteke izena, edo bestela Ibin kirol klubeko norbaiti esanda.