Berrobin udazkeneko kulturaldia ari dira ospatzen. Datozen egunetan, sanandresak izango dituzte, baina kulturaldian aitzakia gehiago ere hartu dituzte egitaraua osatzerakoan, besteak beste, Emakumeen Aurkako Indarkeriaren Kontrako Eguna edota Euskararen Nazioarteko Eguna. Abenduaren 10era bitartean, beraz, jarduera ezberdinez gozatzeko aukera izango dute herrian.
Herenegun, esaterako, ahalduntze tailerra egin zuten, Txalo Talo taldearen eskutik, eta atzo, berriz, eboluzioa eta nortasunaren garapenaren inguruko ikastaroa egin zuten. Bihartik aurrera, sanandresak ospatuko dituzte eta hasiera pintxopotearekin emango diote. Bien bitartean, Matraka elektrotxarangak alaituko ditu Berrobiko kaleak.
Egitaraua prestatzen, Euskara batzordea, Ibin Kirol Kluba, Guraso Elkartea, Txalo-Talo taldea, eta Berrobiko Udala aritu dira elkarlanean.
Egitaraua
- Abenduaren 21a bitarte
Erakusketa. Herria argazki erakusketa, udaletxean. Goizez egunero irekita eta arratsaldez astearte eta ostegunetan. - Azaroak 26, ostirala
19:00-21:00. Pintxopotea Matraka elektrotxarangarekin. - Azaroak 27, larunbata
Frontenis txapelketa. Herriko frontoian.
18:00. Merienda eta ondoren Minidiskoa gazteentzako, gaztetxean. - Azaroak 28, igandea
Frontenis txapelketa. Herriko frontoian.
Arratsaldean. Bakarrizketa enpatikoa Unai Ormaetxea umoregileraren eskutik.
Ondoren. Talo jatea Etxolan. - Abenduak 3, ostirala. Euskararen Nazioarteko Eguna.
17:00. Altxorraren bila.
18:00. Txokolate beroa.
18:30-20:30. Bertso poteoa. - Abenduak 4, larunbata
Frontenis txapelketako finala. Herriko frontoian. - Abenduak 10, ostirala
18:30. Zuloak antzezlana, Pasaiako Badia eskolako Zaskanduri taldearen eskutik, sexu heziketaren inguruan hausnartzeko.