Berrobiko Udaleko zinegotzi kargua bere gain hartu zuen Aritz Alcainek, atzo eguerdian egindako osoko bilkuran, Miren Loreak egitekoari "arrazoi pertsonalengatik" uko egin ondoren. Ohar baten bidez, David De Miguel Berrobiko alkateak ongietorria eman dio zinegotzi berriari, eta bere konpromisoa eta lankidetza eskertu ditu.
Alcainek esan du lan egingo duela eta bere ezagutza emango diola bere erantzukizun berriari. Aitortu du erronka garrantzitsua dela, aldez aurretik zinegotzi moduan eskarmenturik ez duela, baina bere esperientzia profesionala lagungarria izan daitekeela "pandemiaren ondorioz bizitzea egokitu zaigun denbora zail hau aurre egiteko". Hori horrela, "proiektu sozialistarekin konprometituta eta ilusioz" hartu bere gain zinegotzi kargua.
Aritz Alcain Andoaingoa da, 1985ean jaioa. Eraikuntza proiektuen garapen eta aplikazioko goi mailako teknikaria da, eta mekanizazio bidezko produkzioko mailako teknikaria ere bada. 2009tik 2021era bitarte marketin eta lizitazio publikoetako teknikari gisa egin du lan mugikortasunaren eta ingeniaritzaren sektoreko multinazional batean, eta egun, Arartekoaren bulegoetan egiten du lan.