Ibin Kirol Klubak hemezortzigarren aldiz antolatu du Berrobira, eta taldeko Garazi Goenaga eta Oihane Bergara pozik azaldu dira parte hartzearekin eta sortu den giroarekin. "Inoiz baino parte hartze handiagoa izan dugu eta herrian oso giro polita sortu da, oso pozik gaude", esan dute. Herritar askoren laguntza jaso dute guztia antolatzeko, eta hori eskertu nahi izan dute ere.
Gizonezkoetan Alegiako Ander Garin Izagirre izan da azkarrena, Orioko Iñigo Exposito Murillok bigarren egin du eta Sathya Paz Martikorena zestoarra izan da hirugarrena. Emakumezkoetan Andoaingo Maialen Gurrutxaga Perez izan da lehena, Tolosako Enara Agote Uranga bigarrena eta Anoetako Iosune Alberdi Urrutia hirugarren. Herriko azkarrena Jon Altuna Mendizabal izan da. Sailkapen guztia hemen.