Ertzaintzak jakinarazi duenez, onik aurkitu dute gizonezkoa, gaur, 15:00ak aldera.
Asteartean ikusi zuten azken aldiz Berrobiko 33 urteko gizonezkoa eta gaur aurkitu dute. Segurtasun sailak esan du pertsona batek aurkitu duela Andoain eta Leitza arteko herri bide batean, 15:00ak aldera. Gurutze Gorriko kideek Andoaingo anbulatoriora eraman dute onik.
Larunbat arratsaldean aurkitu zuten bere motorra eta motxila mendian eta ordutik bere bila aritu dira larrialdi zerbitzukoetako kideak zein boluntarioak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!