Astebururako Berrobin antolatuta zeuden ekintzen artean, pilotak ere bere tartea izan du programazioaren barruan. Hain zuzen, gaur 12:00etatik aurrera sei pilotari aritu dira lehian Urreburu frontoian.
Zubiria Urbietaren aurka aritu da buruz buru lehenik. Biak ala biak borrokan ibili badira ere, azkenean, Urbieta izan da garaile (18-22). Horren ostera, Urbieta III.a eta Aizpuruak aurkari izan dituzte Urruzola eta, pilota munduan nagusi den Titin III.a. Pilotariak ez ezik, Urreburu frontoira bertaratu diren herritarrak partidaz aski gozatu dute. Azkenean, Urbieta III.a eta Aizpurua nagusitu dira (19-22).