Ion Ander Izagirre XXVIII. Frontenis Txapelketaren finalak jokatu ziren larunbatean Berrobiko frontoian. Lehen partida binakako mutilena izan zen eta Erik Sagastume eta Mikel Goitiak 30-14 irabazi zioten Aitor Erauskin eta Julen Apeztegiari.
Ondoren txapelketa mistoa jokatu zuten, eta Nagore Lizardi eta Niko Artola izan ziren irabazleak, 30-25 gailenduz Xabi Zubiria eta Mireia Lezeari. Binakako nesken txapelketan, Aran Rodas eta Mireia Lezeak 30-17 irabazi zioten Enara Lasarte eta Itziarri. Azken finala mutilena banaka izan zen eta hor txapelduna Niko Artola izan zen, bigarren txapela jantziz, Xabier Zubiriari 30-28 irabazi eta gero.