Urtean zehar ekintza desberdinak antolatu ohi ditu Ekintza guraso elkarteak. Besteak beste, Gabonetako, Aste Santuetako eta udako ludotekak, zaintza zerbitzuak eta beste. Horiek aurrera eraman ahal izateko begiraleen lan poltsa bat osatu nahi dute.
Honakoak dira eskatzen dituzten baldintzak: Begirale titula eta euskara maila altua izatea edo C1 maila. Alor horretan esperientzia izatea ere baloratuko dute, eta berrobitarrek lehentasuna izango dute.
Interesa dutenek, euren curriculumak gurasoelkartea@berrobi.eskolatxikiak.eus helbidera bidali beharko dituzte, azaroaren 29a baino lehen.