Hamazazpigarrenez ospatu dute Berrobira, Ibin Kirol Klubak antolatuta. Lehenik haurren txanda izan da eta ondoren aritu dira lasterka helduak. Denera 52 lagunek hartu dute parte, eta horietatik 7 emakume iritsi dira helmugara. Irteera eman aurretik, aste honetan zendu den Ibon Gonzalez izan dute gogoan, eta jarraian, hasiera eman diote lasterketari.
Helmuga zeharkatzen gizonezko azkarrena Aitor Regillaga izan da, eta atzetik izan ditu Raul Gomez eta Gorka Gil. Emakumezkoetan, berriz, Maialen Muñozek eskuratu du lehen saria eta jarraian izan ditu Laiane Arrospide eta Naiara Zabala.
Berrobitarrak ere sarituak izan dira. Bi emakumek hartu dute parte eta Josune Alberdi nagusitu zaio Begoña Olamusuri. Gizonezkoetan, Ibai Madina izan da helmuga gurutzatu duen lehen berrobitarra, Jon Altuna bigarrena, eta Jon Alberdi hirugarrena.