10:30erako jaiei ongi etorria emateko prest zeuden udaletxeko balkoia nahiz ataria. Ibin Kirol Klubak izan du festa lehertzeko ardura. Azpimarratu dute, festak herritarrek herritarrentzat egindakoak izan direla. Eskerrak ere eman nahi izan dituzte. Batetik, laguntzaile eta antolatzaile guztiei denen artean taldean bikain lan egin baitute. herriko txikienak ere gogoan izan dituzte, beraien eskuetatik sortu baita aurtengo festetako berrikuntza nagusia: Kikili eta Kokolo erraldoiak. Festa lasaiak igarotzeko eta pasatu gabe ondo pasatzeko ere eskatu dute.
Behin suziria lehertuta, haurren momentua iritsi da. Izan ere, udaletxetik gozokiak bota dizkiete eta buruhandiak nahiz beraiek egindako erraldoiak atera dituzte herriko plazara.
Festak hasi baino ez dira egin. Ikusi hemen egitarau osoa.