Udaberriko girorik izan ez bada ere, VIII. Udaberriko Azoka egin dute Berrobin. Mota askotako artisau produktuak nahiz jakiak egon dira bertan eta jende ugari ibili da postuz postu. Arranoekin hegaldiak egitekoak baziren ere, eguraldi txarragatik bertan behera utzi behar izan dituzte. Hala ere, hegazti horiekin argazkiak ateratzeko aukera egon da.
VI. argazki rallyko nahiz XVII. literatur lehiaketako sariak ere banatu dituzte. Lehenengoan, June eta Nora Jimenez izan dira txapeldunak. Literatur lehiaketari dagokionez, berriz, 45 parte hartzaile izan dira. LH1 eta LH2 mailan, Oier Altuna izan da irabazlea Animaliak eta ilargia lanarekin. Aipamena, berriz, Arane Rezolak Txokolate sorgindua ipuinarekin eta Ihintza Altunak Txoria eta txitarekin jaso dute. LH3 eta LH4 mailan, Txokolatezko etxeko borroka ipuinarekin, Ander Villegas izan da irabazlea. Aipamena, aldiz, Azelga txikiren abentura ipuinarekin, Ibaik jaso du. LH5 eta LH6 mailan, June Jimenez izan da garaile Ausarta ipuinarekin eta aipamena Naroa Agirretxerentzat izan da, Noraren ametsa ipuinarengatik.