Hasiera batean txapelketa moduko bat egitea pentsatu zuten. "Baina gero erabaki genuen txapelketarik gabe egitea, eta marrazki guztien collage moduko bat egitea", esan du Euken Miura guraso elkarteko eta Etxola haur txokoko kideak. "Lehiaketari ordez parte hartzeari garrantzia eman diogu", gaineratu du Izarne Garmendia guraso elkarteko eta Etxola haur txokoko kideak. "Herri hezitzailea pedagogia erabiltzen saiatzen ari gara aspalditik herrian, udala, guraso, haur, jubilatu... adin tarte ezberdineko kideen artean".
Etxolak berritze bat behar zuela eta murala egitearena pentsatu zuten haur txokotik. Ostegunean elkartu ziren eta haur bakoitzak nahi zuen marrazkia egin, eta gero erakusketa jarri zuten jubilatuen elkartean. Marrazki horiek hartu eta irudi bakoitzetik zerbait hartu eta jarri dute muralean. "Beraiek jolastuko duten lokalean denboran iraungo duen marrazki bat egongo da, eta horrek Etxola bere sentitu dezaten lagunduko du", azaldu du Garmendiak.