Berrobiko Udalak Irrisarri Land-era irteera antolatu du ekainaren 11rako. Basoa, abentura eta tirolinez gozatzeko aukera izango dute, hortaz, berrobitarrek. Izena ekainaren 4a baino lehen eman behar da, www.berrobizia.eus atarian.
Zortzi urtetik gorakoak joan ahal dira irteerara eta gurasoen idatziko baimena eraman behar dute. Begirale trebatuak daude Igantzin (Nafarroa) dagoen abentura parkeko jarduera guztietan eta antolatzaileek, arropa erosoa eta ogitartekoa eramatea eskatzen diete joan nahi dutenei.
09:00etan aterako da autobusa eta 10:00etan iritsiko dira Igantziko Irrisarri Land-era. 19:30ak aldera iritsiko dira Berrobira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!