Eguraldiak udaberria gogora ekartzen duen bitartean, udaberriko azoka ospatu dute goizean Berrobiko plazan. Horrekin batera, argazki rallyko sari banaketa ere egin dute.
Denetarik aurki zitekeen Berrobiko plazan gaur goizean. Bertako produktuetatik hasi eta artisauak, saskigintza, karikaturak, pintxoak eta zozketak izan dira plazan bertan. Tartean, argazki rallyko sari banaketa egin dute. Aurtengo gaia adina izan da eta bi kategoriatan banatu dute: batetik, gazteetan, Maren Egues izan da garailea eta bigarren postuan geratu da Maialen Aiertza; bestetik, helduetan, Marijo Belaunzaranek eman du lehenengo saria eta Garazi Goenagari egokitu zaio bigarrena.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!