Norbait itotzean, eztarrian zerbait geratzerakoan edota elektrokuzioetan zer egin jakiteko ikastaroa antolatu dute Berrobin, Berrobi Bizia ekimenaren barruan. Bihotz biriketako bizkortze teknika ondo egitea ezinbestekoa da heriotza ekiditeko eta horregatik antolatu dute ikastaroa. «Funtsezkoa da bihotzeko gaitzek eragindako bat-bateko heriotza pairatzen duten pertsonen biziraupenerako gizarteak teknika hauek guztiak ezagutzea», esan dute Berrobi Biziako arduradunek. Izan ere, aipatu heriotzetako gehienak, %70 inguru, etxean gertatzen direla diote.
Ikastaroa Asier Zamakolak emango du, larrialdi zerbitzuetako erizaina da bera.
Ikastaroa martxoaren 13tik 15era izango da, 18:00etatik 20:00etara, Etxolan. 12 urtetik gorakoek hartu dezakete parte eta izen ematea doakoa da. Horretarako martxoaren 10a baino lehen eman behar da izena www.berrobibizia.eus webgunean.