Txikienek Gorritiren animaliekin gozatu ahal izan dute goizean, eta gurasoek paellak noiz prestatuko zain egon dira. Estilo eta tamaina guztietako paellak prestatu dituzte, eta honezkero kazuela guztiak huts-hutsik izango dira. Kuadrilla bakoitzak bere janaria prestatu du, eta sagardoa, ardoa eta ur freskoa doan izan dituzte bertaratuek.
18:00etan, BerroBINGO egingo dute plazan, eta sari potoloak banatuko dituzte. 22:30ean, berriz, Jon Maia, Beñat Gaztelumendi eta Agin Laburu bertsolariak igoko dira taula gainera Iker Iriartek jartzen dizkien gaiei erantzuteko. Bertso saioaren ostean Krakobiak alaituko du Berrobiko plaza., eta tartean, 01:00etan Mozorro lehiaketa izango da. Gaurkoan Hawaiarrez jantzi beharko dute lehiaketan parte hartu nahi dutenek.
Berrobitarrek bihar amaituko dituzte jaiak. Hona hemen egitaraua:
BIHAR, ABUZTUAK 28
07:00. Ogitarteko jatea Iturriza janari dendan. Eserlekuak eskuragarri egongo dira kanpoaldean.
11:00. Meza.
11:30. Haurrek dantzatutako agurra herritarrei.
12:30. Helduen pilota partidak: Egiguren-Erauskin eta Zubiria-Alberdi; eta jarraian, Urbieta-Altuna eta Santxo-Elola.
14:00. Bide-Ona elkartean bertso bazkaria.
18:30. Anje Duhalderen emanaldia.
20:30. Zahagi ardoa. Mahai eta aulkiak eskuragarri egongo dira. Sagardoa, ura eta ardoa doan txosnan.
21:00. Erromeria Mirari, Joseba eta Kristinarekin.
22:00. Monologoa Ester Povedaren eskutik.
Ondoren. Erromeria.
IRAILAK 10, LARUNBATA
17:00. BerroBIRA: haurren herri krosa eta sari banaketa.
18:00. BerroBIRA: helduen herri krosa eta sari banaketa.