Berrobi berriro hirugarren

Itziarrek irabazi du Gipuzkoako Giza Proba Ligako hirugarren lehia. Hurrengoa, azkena, Elgoibarren jokatuko da.

Ostiral iluntzean jokatu zen Gipuzkoako Giza Proba Ligako hirugarren jardunaldia, Deban. Itziarko zortzikoa izan zen plaza gehien egitea lortu zutena, 40 plaza eta 5,86 metrorekin. Mendarokoak sailkatu ziren bigarren postuan, 39 plazarekin. Eskualdeko ordezkariak izan ziren hirugarrenak. Berrobitarrek 38 plaza eta zinta bat eta  0,72 metro egin zituzten 20 minutuko lanean. Etxean tiratzen zuten debatarrak izan ziren laugarren, 38 plaza eta 1,80 metroko distantzia eginaz, 900 kiloko harriarekin.


Liga erabakiko duen laugarren eta azken jardunaldia uztailaren 18an, larunbatez, Elgoibarren jokatuko da. Lau taldeak berriro han lehiatuko dira elkarren aurka, SIGAM izena daraman probalekuan. Giza proba lehia 18:00etan hasiko da.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!