Lourdes Colomo zizurkildarra eta Gaizka Romero oñatiarra, azkarrenak Berrobin

Lourdes Colomo zizurkildarra eta Gaizka Romero oñatiarra izan dira lehenengoak Berrobiko XI. Herri Krosean. Lehenengo herritarrak Igone Saldias (zortzigarren emakumezkoetan) eta Jose Luis Zabala (laugarren gizonezkoetan) izan dira.

62 korrikalarik parte hartu dute proban. Gaizka Romerok 24:15ko denbora egin du 7,5 kilometroko ibilbidea egiteko. Ibon Gonzalez tolosarra izan da bigarrena, 24:18 eginez, eta hirugarrena Manu Hurtado izan da, 24:56 denborarekin. Jose Luis Zabalak 25:03 egin du. Lourdes Colomok 29:01 egin du, bigarren Eva Calle gasteiztarra izan da 30:54ko denborarekin eta Amaia Iza ibartarra izan da hirugarrena 31:21 eginez. Igone Saldiasek 42:15eko denbora egin du.
Aurretik gaztetxoek egin dute korrika,1,5 kilometro eginez. Hiru mailatan parte hartu dute eta 30 korrikalari inguru aritu dira.

Ikusi sailkapen osoa herrikrossa.com-en

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!