Gipuzkoako Foru Aldundiak ohiko artapen eta eguneratze lanak egiten ditu A-15 errepideko instalazioetan. Jarduketaren izaeraren arabera, mantentze-lanak egin ahal izateko, beharrezkoa da trafikoan eragitea. Horrela, bihar eta etzi, Iruñerako noranzkoko 141. kilometroko Berastegiko irteera itxita egongo da gauez, mugikortasuna kudeatzeko azpiegitura adimenduna instalatzeko. Donostiarako noranzkoan ez da mozketarik izango.
Bi gauetan, hau da, asteartetik asteazkenera eta asteazkenetik ostegunera, 22:00etatik 06:00etara egongo da itxita irteera. 06:00etatik aurrera, behin-behineko seinaleak desmuntatuko dituzte, eta irteerako adarra zirkulaziorako irekiko dute.
Mozketaren ondorioz, Iruñerako noranzkoan 141 irteera hartu nahi duten A-15 errepideko erabiltzaileek ibilbidea aldatu beharko dute. Zehazki, hurrengo irteeraraino jarraitu beharko dute (138. kilometrokoa), noranzkoa aldatu eta 141 irteera hartu.