Ekintzak Berastegiko kultur-ondarearen balioa eztabaidatu, ezagutu eta partekatzeko aukera eskaini nahi du. Baita komunitateak kultura ondasunekin duen lotura emozionala indartzea, kontserbazioaren arloan tokiko biztanleen eta profesionalen arteko lankidetza eta konfiantza hobetzea, eta egungo kontserbazio premiekin bateragarriak diren ondarearen erabilera berriak sustatzea ere.
Jardunaldia Laura Calvo arte historialariak eta Irlanda Fragoso kontserbatzaileak bideratuko dute, eta bertan, tokiko ondarea eta haren balio historikoa ezagutu, prebentziozko kontserbazioa eta arriskuen detekzioa landu, ondare ondasunen eta elementuen mapaketa parte hartzailea proposatu eta ondarearen babesari eta etorkizunari buruzko elkarrizketak edukiko dira.