Aiara Agirrezabala Azkue berastegiarra lehen aldiz deitu dute absolutu mailako Espainiako selekzioan parte hartzeko. Sonia Bermudez hautatzaileak egindako deialdian sartu da Realeko atzelari gaztea. Brasil 2027ko Munduko Koparako sailkapeneko lehen partidak jokatuko ditu Espainiako selekzioak. Lehen neurketa martxoaren 3an izango da Castalia estadioan (Castello, Herrialde Katalanak), Islandiaren aurka, eta lau egun beranduago Ukrainari egingo dio aurre Antalyan, Turkian.
«Aiarak egindako lana, talentua eta taldearen garapena nabarmentzen ditu deialdi honek», esan du Realak. «Gaztea izan arren, Aiarak taktika maila altua eta jokatzeko adimena erakutsi ditu, eskarmentu handiagoko jokalarien parean jarriz».