Ezin hobe hasi du denboraldia Aiara Agirrezabalak Realako lehen taldean. Hamaikakoan sartzeaz gain, ezker hegaleko defentsa berastegiarrak taldearen bi golak egin zituen Madrid CFF taldearen aurka, eta modu horretan Lehen Mailan partida berean bi gol sartzen dituen jokalari gazteena bihurtu da. 16 urte eta 333 egun zituela lortu zuen Agirrezabalak marka.
Partidaren amaieran pozik zegoen futbolari berastegiarra lortu zuenagatik, baina sentsazio gazi-gozoak zituela azaldu zuen partidaren bukaeran, neurketa bina bukatu baitzen, 0-2 irabazten joan ondoren.