Berria egunkariak, EHUko Gizarte eta Komunikazio Zientzien Fakultatearekin elkarlanean antolatzen duen Komunikazioko gradu amaierako lanen III. Berria saria irabazi zuen iaz Martxel Larraza nafarrak, Xerka izeneko fotokazetaritza lanari esker. Hain justu, LGTBI komunitateak bizi duen erbesteratze prozesu isilari buruzko lana da eta Euskal Herriko landa eremuko bost pertsonen testigantzak eta argazkiak biltzen ditu.
Hortik gutxira, proiektu honetara gehitu zen Joseba Olagarai kazetaria, eta hala sortu dute Xerka hitzaldia eta argazki erakusketa. Herriz herri aritzen dira, euskal landa eremuetan bizi diren LGTBI komunitatearen nortasuna eta bizi esperientziak ezagutzera ematen. Martxoan, esaterako, Ibarrako Benito Izagirre kultur etxean aurkeztu zuten proiektua, eta orain, Berastegin izango dira.
Dagoeneko zabalik da Xerka argazki erakusketa ikusteko aukera, eta ostirala arte izango da horretarako aukera udaletxeko erabilera anitzeko gelan; 10:00etatik 14:0etara edo 18:00etatik 20:00etara. Igandean, berriz, bi egileek hitzaldia eskainiko dute, 18:30etan, leku berean.
Euskal landa eremuko LGTBI+ komunitatearen bizi esperientziak biltzen dituen argazki erakusketa ikusgai dago Berastegiko udaletxeko erabilera anitzeko gelan. Igandean, berriz, Joseba Olagarai eta Martxel Larraza egileek hitzaldia eskainiko dute, 18:30etan, leku berean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!