A-15 autobia itxita egon da bi noranzkoetan, Berastegi parean, Gorosmendiko tunelaren barruan, Iruñerako noranzkoan, furgoneta batek izandako istripuaren ondorioz. Zirkulazioa GI-2130 errepidetik desbideratzen ari dira, Berastegi parean, eta N-1 errepidetik, Idiazabalen, bi noranzkoetan.
Istripua 17:00ak inguru izan da, A-15 autobidean, Berastegi parean. Ordu horretan, Gorosmendiko tunelaren barruan, Iruñerako noranzkoan, zihoan furgoneta batek istripua izan du, tunelaren obrengatik bypass batekin egokitutako gunean. Ibilgailua bidean iraulita geratu da eta bi erreiak itxi dituzte, Donostiarako noranzkoan eta Iruñerako noranzkoan.