Baserritarren eguna ari dira ospatzen eskualdeko zenbait herrietan. Horietako bat da Berastegi. Eguerdian, udaletxetik San Martin elizarako ibilbidea egin dute herritarrek, santua lagun zutela, herriko txistularien laguntzarekin. Herritar ugari elkartu da bidean, eta elizako atarian beste hainbeste ziren zain.
Mezaren ostean, herriko eskolako ikasleen txanda izan da. Ikasleek sortutako zenbait bertso abestu eta agurra dantzatu diete bertaratu diren guztiei, baserritarren eguna festaz ospatzeko. Emanaldia amaituta, elizatik udaletxerako bidea egin dute berriro, udal eraikineko balio anitzeko gelan bazkaria prest baitzuten. Bazkariaren ostean, trikitilariek eman diote amaiera ospakizunari.
