Urtero bezala, bigarren eskuko materialen azoka egingo dute abenduaren 16tik 18ra, Berastegin. Lortzen den dirua Etiopiako Wukro herrira bidaliko dute antolatzaileek.
Azoka egunen aurretik, materiala jaso nahi dute, soberan edo erabiltzen ez diren gauzei etekina atera eta erabilera berri bat emateko. Arropa, jostailuak, liburuak, altzariak... jaso nahi dituzte. Txukun dauden eta erabili daitezkeen gauzak izatea eskatu dute. Eramaten diren materialei prezio sinboliko bat jarriko zaie. Abenduaren 12tik 16ra jasoko dute materiala, eskolan, 09:00etatik 16:00etara. Ordutegi horretan joan ezin duenak 943 899 128 zenbakira deitu dezake.
Gainerakoan, azoka asteburuan egingo dute, 16tik 18ra, aparkaleku azpiko lokalean. Abenduaren 16an, ostiralean, 16:15etik 18:30era izango da azoka bisitatzeko aukera; abenduaren 17an eta 18an, larunbatean eta igandean, 11:30etik 13:00etara.