Aldaketak izango ditu 2023ko Negu Trail lasterketaren ibilbideak

Tolosaldeko Ataria 2022ko abe. 2a, 11:58

Ipuliño mendiaren inguruko lau puntutan aldatuko dute ibilbidea antolatzaileek. Laster argitaratuko dituzte ibilbidea ezagutzeko egingo diren elkarretaratzeen datak.

Ondorengo hauek dira lau aldaketak:

  • Aurten Ipuliñora ez dira aurreko edizioetako leku beretik igoko, Itturtxabal izenez ezagutzen den eremuan ezkerretara dagoen bidea hartu beharko dute korrikalariek.

  • Aipatutako bide horretatik jarraituz, bigarren argazkiko atakara iritsiko dira, bertan eskuinetara egin eta maldan gora abiatuko dira.

  • Hirugarren argazkian ikusten da Ipuliño puntako irudia, gezien bidez erakusten den erara, gailurretik igaro eta beherantz abiatuko dira, pasa den urteetan igoera zen bide beretik.

  • Azkenik, laugarren argazkian ikusten den 'U' formako bidetik ezkerrerantz egin eta azken kilometroetan sartuko dira korrikalariak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!