Kultur astea gerturatzearekin batera, hemen da XXIV. Argazki Rally herrikoia ere. Parte hartu nahi dutenek izena eman beharko dute eta azken eguna urriaren 10ean izango da. Izen ematea udal bulegoetan, 943 68 30 00 zenbakira deituta, kultura@berastegi.eus helbidera idatzita edo 688 681 952 zenbakira whatsapp bat bidalita egin daiteke.
Urriaren 11n, egunean zehar, parte hartzaileei telefonoz, helbide elektronikoz edo Whatsapp bidez aurtengo gaia zein izan den jakinaraziko zaie. Aukeratutako hiru argazkiak helbide elektronikoz bidali beharko dira kultura@berastegi.eus helbidera, urriaren 16an, 23:59 baino lehen.
Argazkiak egiterakoan Berastegiko mugen barruan izan beharko dutela zehaztu du Berastegiko Udalak, eta ezin direla manipulatu. Aurkezten diren argazki guztien artean epaimahaiak hiru argazki onenak aukeratu ditu eta saria izango dute. Irabazleak nortzuk diren azaroaren 6an jakingo da, azoka egunean. Argazki guztiak ikusgai jarriko dituzte udaletxean, kultur asteak irauten duen bitartean, eta Berastegi.eus webgunean ere jarriko dituzte.