Berastegi inguruko mendiak ezagutzeko aukera izan da gaur goizean. Izan ere, XXVII. ibilaldi neurtua antolatu du Basurde Elkarteak eta Beasti Guraso Elkarteak, berriz, XX. mendi ibilaldi laburra. Guztira 133 mendizale izan dira modu batera edo bestera Berastegi inguratzen duten mendiez gozatu dutenak. Familia giroan, lagunartean edota bakarka egitera animatu direnak ere izan dira tartean. Hala ere, ibilaldi guztian zehar eguzkia lagun izan dute parte hartzaileek, eta giro ederrean egin dituzte bi ibilbideak.
Ibilaldi neurtua 25 kilometrokoa izan da, eta laburra, berriz, 9 kilometrokoa. Ibilbidean zehar atsedenaldi txiki bat egiteko aukera ere izan dute parte hartzaileek Urton jarri duten anoa postuan. Tripa bete eta freskatu ondoren bidea jarraitu dute mendizaleek helmugara iritsi arte.