Gipuzkoako Foru Aldundiak jakinarazi duenez, gaur, asteazkena, A-15 autobidea itxi dezake, Euskalmet Euskal Meteorologia Agentziak iragarri duenez, 700 metrotik behera elurra egiteko arriskua dela eta.
Aldundiak esan du elurte horiek gertatuz gero, bidea bi noranzkoetan itxiko litzatekeela, Andoaingo lotunetik Berastegiko lotuneraino, Gipuzkoako tartean. Bitartean, Berastegitik Tolosara doan errepidera desbideratuko da zirkulazioa.
Errepidea ez litzateke elurra hasi arte moztuko, eta errepideko langileek eta trafikoa arautzeko ardura duten agenteek erabakiko dute, une batetik bestera, A-15 errepidea ixtea, beharrezkoa izanez gero. Aldundiak gaineratu du errepidea irekitzeko modu berean jokatuko dela. "Horrela, elurra loditutakoan, errepidea modu seguruan irekitzeko baldintzak betetzen diren erabakiko da".