Txikienen lasterketarekin hasi da aurtengo Berastegiko kros herrikoia. Lehiaketatik baina jolasetik izan du lehen proba horrek. Haurrak eta ikusleak gustura hartu dute itzuli bakarreko abentura.
Gazteen txanda izan da ondoren, eta hauek ikuskizun polita eskaini dute zirkuitu osoan zeuden ikusleei. Azkenik, helduetan denetik izan da. Lasterketa irabaztera atera direnak eta lehen itzulirako bikoiztu dituztenak. Hauek umoreari heldu diote, eta amaitzea zuten helburu. Herritarrek eskertu dute hori. Azkarrenen artean marka berriak jarri dituzte. Gizonezkoetan, Julen Azkuek 15.00 zehatzetan eman ditu lau itzuliak. Emakumezkoetan, Aiara Agirrezabala izan da bizkorrena, 19.41eko denborarekin.
Haimar Malkorra herritarrak gurpildun aulki batean egin du lasterketa, hiru lagunen laguntzaz. Ataria Irratiko kolaboratzaileak sari banaketa ekitaldian bere saria jaso du.
Gizonezkoen sailkapena
1. Julen Azkue 15.00
2. Josu Elola 15.33
3. Oier Garaiburu 15.36
Emakumezkoen sailkapena
1. Aiara Agirrezabala 19.41
2. Barbara Isturiz 19.43
3. Aiora Lasarte 21.43
Mixtoen sailkapeneko lehenak: Iban Agirrezabala, Egoitz Agirrezabala eta Aiara Agirrezabala.