Salontzo eguna izaki, egun handia beharko luke gaurkoan Berastegin. Eta ohiko urte batekoa izan ez bada ere, hainbat ekitaldiz gozatzeko aukera izan dute berastegiarrek.
Horien artean, arratsaldean herriko plazan izan dituzten dantzak. Lehen aldiz emakumeak izan dira San Joan dantzak dantzatu dituztenak. Tolosako Udaberri dantza taldeko kide bat izan da herrian dantzak erakusten, eta ikastera emakumeak gerturatu direnez, gaurkoan, emakumeek eskaini dituzte San Joan dantzak. Bigarrenez eskaini ere. Izan ere, San Joan egunez izan zuten ikasturtean zehar ikasitakoa erakusteko aukera.
Emakumeen ostean, gizonezkoen txanda etorri da, eta dantza soka ikusteko aukera izan dute plaza bete duten herritarrek.
