700 urte beteko dira irailean Beotibarko guda izan zenetik. Beotibarko guda bi erreinuen arteko guda baino, bidelapurren eta poliziaren arteko talka izan zela argi dute Xabier Irujo eta Larraitz Ariznabarreta historialari eta Renoko Euskal Unibertsitateko irakasleek. Eta gertaera hori jasotzen duen liburua argitaratu dute bi historialariek. Gaur arratsaldean, Berastegin izan dira liburua aurkezten.
Kontakizun ofiziala hankaz gora jarri eta egiaren eta errealitatearen bila aritu dira bi irakasleak. Beotibar, zazpi mende geroago izeneko liburu batean bildu dituzte gertatuak. Horrela, batailari buruzko interpretazio argitu nahi dute.
Liburuarekin batera, disko bat argitaratu du Larraungo Beltxaran Bikotea musika taldeak; gertaerari buruzko letrekin osatu dituzte zazpi abesti, eta aurkezpenaren ostean, musika zuzenean entzuteko aukera izan da. Udaletxeko erabilera anitzeko aretoan egin dute aurkezpen ekitaldia, eta sarreran, arkupeetan, erakusketa txiki bat jarri dute, informazioa eta irudi batzuk zabaltzeko.