Bidean ikasi egiten dugu
lau hankan ikasten dugu, oinez, bizikletan eta sokasaltoan
futbolean eta partxisean
giharren izenak ikasten ditugu, eta hezurrenak
herrialdeak non dauden eta zer gertatu zen Erroman
handi ala txiki, zuri ala beltz, ar al eme sailkatzen
zikindu gabe jaten
molestatu gabe hitz egiten
barkatu eta mesedez eta milesker eta ez horregatik esaten ikasten dugu
eta orain badakigu zer moduz galdetzen sei hizkuntzatan
baina nola sentitzen garen azaltzen, ez dakigu
negarrari eusten ikasi dugu, eta negar egiten ahaztu zaigu
munduak ze prezio duen ikasi dugu
eta gauzek zenbat balio duten ahaztu
denbora neurtzen ikastean
denbora hartzeari utzi diogu
erantzunak ikasitakoan, galdetzeari
eta jokatzen ikasitakoan, jolasteari
norbait izaten ikasi dugu
eta norbait izateko ikasi dugu
baina agian
nor garen ahaztu zaigu
bidean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
