Ehun eta bost urte bete zituen, atzo, maiatzaren 2an, Oliva Mariezkurrena igoar berastegiartuak. Urtebetetzea ospatzeko, Amaia Azkue alkatearen bisita jaso zuen, udal ordezkarien izenean, eta lore sorta bat oparitu zioten.
Igoako (Nafarroa) Salbadorren bordan jaioa, Berastegin bizi da 1956tik. Aidanen aldizkarian egindako elkarrizketan dioen bezala, hamabi anai-arrebako familian, zaharrena izan zen bera. Hemeretzi urterekin ezkondu zen Frantzisko Zubillaga arrastarrarekin eta Arraratsen bertan (Nafarroa) jarri ziren bizitzen. Hamabi seme-alaba izan zituzten Mariezkurrenak eta Zubillagak, eta 1956an, eurek etorkizuna izan zezaten, Berastegira bizitzera joatea erabaki zuten; maizter bila zebilen baserri batera, Gorostizura. 1998tik bere alabarekin Lurgainen bizi da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
