Segurtasun neurriak bete ahal izateko, elizan egingo dira San Anton eguneko eta San Sebastian eguneko mezak, eta San Anton egunean animaliak bedeinkatzeko aukera izango da.
San Anton eta San Sebastian egunak iristear dira, eta Berastegin ez dute ospatu gabe geratzeko asmorik. Pandemiak eraginda, ordea, aurten, mezak ez dira ermitetan izango.
San Anton eguna, urtarrilaren 17a, igandea, meza nagusiarekin batera ospatuko da San Martin de Tours elizan. Ohiko moduan, 12:00etan izango da meza eta animaliak bedeinkatu nahi dituenarentzat ere izango da aukera. Meza amaitu ostean, elizaren atarian egingo da bedeinkapena.
Eta San Sebastian egunean ere, urtarrilaren 20an, meza elizan izango da, 11:00etan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
