Berastegin egingo du hurrengo geldialdia Gipuzkoako Foru Aldundiaren Energia Argitu programak. Horren barruan mugikortasun iraunkorrari buruzko tailerrak ari dira eskaintzen "mugikortasun jasangarria eta ibilgailu elektrikoetarako jauzia" aztertzeko.
Berastegiko tailerra urriaren 1ean izango da, 18:00etan, udaletxeko batzar aretoan, baina aurrez eman behar da izena. Azken eguna irailaren 28an izango da eta argitu@gipuzkoa.eus helbidera idatzita edo 943 11 29 48 telefono zenbakira deituta egin daiteke.
“Argituk beharrezko ezagutzak eta tresnak ematen dizkie herritarrei, Gipuzkoak eredu energetikoaren aldaketan aurrera egin dezan, bai etxebizitzen sektorean, bai mugikortasunean. Energia-eraginkortasuna hobetuz, elektrizitate-kontsumoa murriztuz eta gure mugikortasuna birpentsatuz, gizarte-eragin handia lortzen dugu energia-pobreziaren aurkako borrokan”, esan du Jose Ignacio Asensio Ingurumen diputatuak.