Euskara ikastaroak antolatuko ditu Berastegiko Udalak eskualdeko euskalgintzako beste hainbat eragilerekin elkarlanean. Herriko udalak azaldu duenez, "behe, erdi eta goi" mailako euskara ikastaroak eskainiko dira.
Taldeak egiteko garaian parte-hartzaileei komeni zaien ordutegia eta haien jakintza maila kontuan hartuko direla ere gehitu du Berastegiko Udalak. Era berean, taldea sortzeko gutxieneko partaide kopurua bilduz gero, ikastaroak Berastegin egingo direla ere aurreratu du; eta ikastaro guztiak diruz laguntzeko konpromisoa ere azaldu du antolatzaileak.
Matrikula egiteko epea irailaren 5era arte izango da. Izena ematen dutenei bilera baterako deia egingo zaie epea amaitu eta egun batzuetara .
Informazio gehiago eskuratzeko udaletxean galdetu daiteke, edota udaleko telefonora dei egin: 943 683 000