Berastegiko Udalak festetarako, eremu publikoaren mantenurako eta beste hainbat eginbeharretarako herriko lanetarako langile bat kontratatuko duela iragarri du. Lanpostuan interesa dutenek uztailaren 13ra arteko epea izango dute izena emateko; egun horretako 14:00etan amaituko da epea Berastegiko udal bulegoetan.
Lanpostuaren lan baldintzen berri udaletxean emango zaie interesa dutenei. Kontratatua izateko baldintzak hauek dira:
- 18 urte beteta izatea.
- Langabezian egotea.
- Berastegin erroldatua egotea.
- Euskara jakitea.
- Gidatzeko baimena izatea.
Lanpostua nork beteko duen zozketa bidez erabakiko da uztailaren 13an, 14:15ean.