Etxean geratu eta zer pentsa dagoen horrentzat argazki rallya antolatu du Berastegiko Udalak. Honakoa da gaia: #NiEtxeanGeratzenNaiz.
Parte hartzaile bakoitzak irudimena martxan jarri eta hiru argazki aukeratu beharko ditu. Izen-abizenak jarriz, kultura@berastegi.eus helbidera bidali beharko dira apirilaren 3a baino lehen.
Bi sari banatuko ditu udalak. Batetik, 17 urtetik beherako parte hartzaileentzat, Ategin ogitartekoa eta edaria eskuratzeko bi bale oparituko ditu. Bestetik, 18 urtetik gorakoen saria herriko produktuekin osatutako saski bat izango da. Udaletik herritarrei dei egin diete ekimenean parte hartzeko.