Ane Arteagak eta Maider Mendizabalek (Anoeta) 18-16 irabazi zioten Eneritz Arrietari eta Maite Tolosari (Amezketa). Andrea Aldaregiak eta Ane Urkizuk (Berastegi) 18-4 irabazi zioten Arantxa Arratibeli eta Aisha Etxeberriari (Amezketa). Uxue Larreak (Ikaztegieta) eta Lierni Gartziarenak (Berastegi) 18-13 irabazi zioten Irati Ugalderi eta Izaskun Martini.
Irabazleek igande honetan final-laurdenak dituzte jokoan, Pasaian, 11:00etan hasita. Eskualdeko pilotariren bat dagoen partidak hauek izango dira: Iera Agirre-Maite Ruiz Larramendi vs. Ane Arteaga-Maider Mendizabal; Irantzu Etxebeste-Leire Etxaniz vs Andrea Alderegia-Ane Urkizu; eta Patri Espinar-Amaia Jaka vs. Uxue Larrea-Lierni Gartziarena.
Bestalde, pilota mistoarekin, Miren Larrartek (Bidania) eta Olatz Ruiz de Larramendik final-laurdenak jokatuko dituzte, Getarian, larunbatean, Maddi Unanueren eta Naroa Agirreren aurka. Jaialdia 17:00etan hasiko da.