Goizean zehar azokako postuetan izan da zer ikusi, zer dastatu eta zer erosi; tartean, herriko eta herritarren produktuak izan dira eskuragai. Aurten, gainera, Bizi baratzeko postua jarri dute, eta lore eta landareetan aditua den Jakoba Errekondoren bisita aprobetxatuz, zuzeneko aholkuak ematen aritu da interesa azaldu dutenei.
Horrez gain, zenbait lehiaketa ere ospatu dira. Hala nola, gazta lehiaketa; postu lehiaketa; ahari, ardi, bildots lehiaketa; animalia ezberdinen erakusketa, rallyko argazki onenen erakusketa, eta aurten lehen aldiz ospatu den sagar tarta lehiaketa. Azken honek, arroz esne lehiaketaren erreleboa hartu du gaurkoan. Goizeko 11:30eako aurkeztu behar ziren lanak azokan, eta 13:30ean eman dituzte jakitera irabazleak. Ondorengoak izan dira lehiaketa bakoitzeko
- Argazki Rally Lehiaketa (Kuttuna hitza zen gaia):
1. Ixiar Zubillaga
2. Irati Saizar
3. Izaro Esnaola - I. Sagar Tarta Lehiaketa:
1. Inma Artola
2. Arantxa Saralegi
3. Marianna Blasi - Postu onenaren saria:
- Mikel Garmendia (Zaldune borda)
- XI. Ardi, ahari eta bildots lehiaketa:
- Ahari onena: Iker Ugartemendia
- Ardi onena: Axier Saizar
- Bildots onena: Jose Inazio Ugartemendia
- XXVIII. Gazta lehiaketa:
1. Maria Jesus Labaien
2. Hipoli Lasarte
3. Jose Inazio Ugartemendia
4. Koro Artola
5. Iker Ugartemendia
Azokako postuak eguerdian itxi badituzte ere, arratsaldean ere izango da zer ospatua Berastegin. 18:00etatik aurrera, talo jatea eta gazta eta sagar tarta dastaketa egingo dituzte, ardoz eta sagardoz lagunduta. Tartean, gainera, Sara Caminos eta Beñat Iturriotz herritarren musika emanaldia izango da.